Justin Maxon
Ganwyd Justin Maxon (1983) mewn tref fechan yng nghoedwig gogledd California.
Tra’n mynychu ysgol newyddiaduraeth yn San Francisco, dechreuodd archwilio prosiectau gyda goblygiadau cymdeithasol arwyddocaol. Ei ddymuniad ‘nawr yw datgelu newidion gwahanol o’r gwir ym modolaeth gythryblus dynoliaeth.
Mae wedi derbyn gwobrau niferus am ei ffotograffiaeth mewn cystadlaethau megis Ffotograff Gwasg y Byd, Delweddau’r Flwyddyn UNICEF, a POYi. Enillodd Ffotograffydd y Flwyddyn yng Ngwobrau Lucie 2008, ac yn yr un flwyddyn fe’i enwyd fel un o 30 Ffotograffydd mwyaf addawol PDN. Fe’i ddewiswyd i gymryd rhan yn Nosbarth Meistr Joop Swart Ffotograffau Gwasg y Byd yn 2010. Yn ogystal, derbyniodd grantiau oddi wrth Gronfa Frys Sefydliad Magnum, FotoVisura, Sefydliad Alexia Foundation ar gyfer Heddwch Byd a Sefydliad Aaron Siskind.
Mae wedi gweithio ar straeon nodwedd ar gyfer cyhoeddiadau megis TIME, Rolling Stone, Newsweek, Mother Jones Magazine, Bloomberg BusinessWeek, Fader Magazine, The New York Times, ac NPR.
Mae wedi darlithio a chael ei wahodd i arwain gweithdai ledled y byd gan gynnwys Gŵyl Ffotograffiaeth Efrog Newydd, agoriad Gwobrau Gwasg y Byd yn 2009 ac yn ddiweddar treuliodd bythefnos yn darlithio ac yn cynnal gweithdai yn Ne Affrica, wedi’i noddi gan Adran Wladol yr Unol Daleithiau.
Cynhaliwyd arddangosfeydd o’i waith yn Venzuela, Llundain, Bermuda, San Francisco, Efrog Newydd, Chicago, Singapore, Bangladesh, Gwlad Pwyl, a Slofenia, Cambodia, ac Istanbul.