Charlie Waite
Mae Charlie Waite bellach wedi sefydlu ei hun fel un o ffotograffwyr Tirlunio mwyaf blaenllaw’r byd.
Dros y pum mlynedd ar hugain diwethaf, mae wedi darlithio ledled y byd ac wedi cynnal nifer o arddangosfeydd un-dyn yn Llundain gan gynnwys dwy yn y Theatr Genedlaethol. Mae wedi arddangos dwy waith yn Tokyo a chafodd arddangosfa yn y Ganolfan Gelf Ffotograffig yn Carmel, California, yn ogystal â sioeau hynod lwyddiannus ar Broadway yn Efrog Newydd ac Oriel OXO ar y South Bank yn Llundain.
Mae ei arddull yn unigryw yn y modd y mae’r ffotograffau’n cyfleu elfen ysbrydol o serenedd a thawelwch. Mae wedi datblygu enw da am ei steil penodol a chynhwysir ei ffotograffau mewn casgliadau preifat a chorfforaethol ledled y byd.
Ymddengys yn rheolaidd ar deledu Prydeinig ac ym mis Medi 2005 cynhyrchodd gyfres deledu chwe darn ar Ffotograffiaeth Dirlunio.
Mae Charlie Waite wedi ennill gwobrau niferus gan gynnwys y Gymrodoriaeth Anrhydeddus uchel ei bri i’r Athrofa Ffotograffwyr Proffesiynol Brydeinig ac yn gynnar yn 2007 cyflwynwyd iddo Wobr Grym ‘Amateur Photography’ a roddir ar gyfer gwaith a ystyrir i arddangos delweddau pwerus a chofiadwy ym maes ffotograffiaeth.
Ef yw perchennog a sefydlydd ‘Light and Land’, gweithdy a chwmni teithiol Ffotograffiaeth mwyaf blaenllaw Ewrop, sy’n cynnal dros wyth deg o weithdai ledled y byd gan gynorthwyo myfyrwyr a’r sawl sy’n ymddiddori mewn ffotograffiaeth dirlunio a bywyd gwyllt i berffeithio eu crefft. www.lightandland.co.uk
Mae wedi cyhoeddi dros 20 o lyfrau ac yn ôl y wasg Brydeinig, yn dilyn cyhoeddiad ‘The Making of Landscape Photographs’ “mae Charlie Waite yn rhoi’r enaid yn ôl i fewn i Ffotograffiaeth Dirlunio”.
Am ragor o wybodaeth ffoniwch +44(0) 1747 822113 neu +44 7831 364764