Dechreuodd Eamonn McCabe ei yrfa yn ffotograffu ar gyfer papurau lleol cyn gweithio ar ei liwt ei hun i’r Guardian a phapurau cendlaethol eraill. Ymunodd â’r Observer ym 1976 ac enillodd wobr Ffotograffydd Chwaraeon y Flwyddyn pedair gwaith, gan weithio ar y gemau Olympaidd tair gwaith. Ym 1985 fe’i enwyd yn Ffotograffydd Newyddion y Flwyddyn am ei waith adeg trychineb Stadiwm Heysel. Ym 1988 ymunodd â’r Guardian fel Golygydd Lluniau, gan ennill Golygydd Lluniau’r Flwyddyn chwe gwaith. Yn 2001 aeth yn ôl at weithio ar ei liwt ei hun, gan ffotograffu’n bennaf unigolion ym myd y celfyddydau ar gyfer y Guardian ond hefyd ar gyfer papurau newydd a chylchgronau eraill.
Mae ef wedi cynhyrchu nifer o lyfrau ar ffotograffiaeth ac mae’n Gymrawd o’r Gymdeithas Ffotograffig Frenhinol a’r Amgueddfa Ffilm, Ffotograffiaeth a Theledu Genedlaethol. Mae’n Athro Anrhydeddus ym Mhrifysgol Thames, ac yn Ddoctor Anrhydeddus ym Mhrifysgolion East Anglia a swydd Stafford. Mae Eamonn yn ymddangos yn rheolaidd ar radio a theledu yn siarad am ffotograffiaeth ac mae ef wedi arddangos yn helaeth ledled Prydain. Mae ganddo nifer o ddarnau o waith yng nghasgliad yr Oriel Bortreadaeth Genedlaethol yn Llundain.
